ئەنجوومەنی باڵای ئاسایشی نەتەوەیی ئێران بە فەرمی پێکهێنانی ئەنجوومەنی بەرگریی نیشتیمانیی پەسەند کرد.
ئەنجوومەنی باڵای ئاسایشی نیشتمانی لە بەیاننامەیەکدا ڕایگەیاندووە " ئەنجوومەنی بەرگریی نیشتمانی بەرپرسیار دەبێت لە پاراستنی وڵات لە هەڕەشە دەرەکییەکان و گرنگیدان بە پلانەکانی بەرگری و بەهێزکردنی تواناکانی هێزە چەکدارەکان.''
لە ڕاگەیەندراوەکەدا ئاماژە بەوەشکراوە،سەرۆکی ئەنجومەنەکە سەرۆکی کۆمارە، و لە سەرۆکی دەزگاکانی یاسادانان و دادوەری و فەرماندەی هێزە چەکدارەکان و بەشێک لە وەزارەتە پەیوەندیدارەکان پێکهاتووە.