شەوی هەینی ١٤ ی تشرینی دووەم بەهۆی تەقینەوەیەکەوە لە دیمەشقی پایتەختی سوریا ژنێک برینداربوو.

ئاژانسی سانا، میدیای فەرمی حکومەتی سوریا لە راگەیاندراوێکدا بڵاویکردەوە بەهۆی تەقینەوەیەکەوە ژنێک لە گەڕەکی " مزە " ی شاری دیمەشق بریندار بووە.

ئاژانسەکە هۆکاری تەقینەوەکە دەگەڕێنێتەوە بۆ ئاراستەکردنی مووشەکێک لەسەر سەکۆیەکی جوڵاو.

لایەنی هێرشبەر لەلایەن ئاژانسەکەوە دیاری نەکراوە.

وڵاتی سوریا بە دەست دیاردەی چەک لە دەرەوەی دەوڵەت و بوونی چەندان گرووپی میلیشیاوی لەناو سووپادا دەناڵێنێت.