جێگری سەرۆکی ڤەنزوێلا ڕایگەیاند'' حکومەتی وڵاتەکەی شوێنی نیکۆلاس مادۆرۆی سەرۆکی وڵات و هاوسەرەکەی نازانێت.''
دیلسی ڕۆدریگێز، بڵاویکردەوە'' حکومەتی ڤەنزوێلا داوای بەڵگە دەکات کە مادۆرۆ و هاوسەرەکەی لە ژیاندان و ڕووداوەکان پەرەسەندنێکی مەترسیدار و پێشێلکردنی سەروەری نیشتمانی پێکدەهێنن.''
ئەم لێدوانە دوای ئەوە دێت، سەرۆکی ئەمریکا ڕایگەیاند'' ئەمریکا "هێرشێکی بەرفراوان"ی بۆ سەر ڤەنزوێلا ئەنجامداوە، لە ئەنجامدا مادۆرۆ و هاوسەرەکەی گرت و لە ڕێگەی ئاسمانییەوە لە وڵاتەکە دوورخرانەوە.''
ڤەنزویلا دەکەوێتە باکووری کیشوەری ئەمریکای باشوور، پایتەختەکەی شاری کاراکاسە و خاوەنی گەورەترین یەدەگی نەوتە لە جیهاندا، ئابوورییەکەی بە تەواوی پشت بە هەناردەکردنی نەوت دەبەستێت.
سەرەڕای هەبوونی نەوت، وڵاتەکە لە ساڵانی دواییدا تووشی قەیرانێکی دارایی زۆر سەخت و هەڵاوسانی گەورە بووە، کە بووەتە هۆی دابەزینی بەهای دراو و کەمیی خۆراک و دەرمان.
ژمارەی دانیشتووانی فەنزویلا بەپێی خەمڵاندنە نوێیەکانی ساڵی ٢٠٢٥ و ٢٠٢٦، بە نزیکەیی لە نێوان ٢٨ ملیۆن بۆ ٣٠ ملیۆن کەسدایە.
ئەم ژمارەی کۆچبەران زۆر بەرزە، ژمارەی ڕاستەقینەی دانیشتووان بەهۆی قەیرانی ئابوورییەوە گۆڕانکاری زۆری بەسەردا هاتووە. زیاتر لە ٧ ملیۆن فەنزویلی لە ساڵانی ڕابردوودا وڵاتیان جێهێشتووە، ئەمەش بووەتە هۆی ئەوەی گەشەی دانیشتووان خاو ببێتەوە یان لە هەندێک ساڵدا کەم بکات.