مارکۆ ڕوبیۆ، وەزیری دەرەوەی ئەمریکا ڕۆژی پێنجشەممە لە کۆبوونەوەی کابینەی ئەمریکا سەبارەت بە ئۆپراسیۆنی سەربازی ئەم دواییەی ئەو وڵاتە لەدژی هەڵوێستەکانی کۆماری ئیسلامی ڕوونی کردەوە کە ئامانجی ئۆپراسیۆنەکە " هێشتنەوەی گەلی ئەمریکا و جیهانە بە سەلامەتی".
ڕوبیۆ لە سەرەتای قسەکانیدا دەڵێت" گرنگترین کار کە هەر سەرۆکێک هەیبێت، پاراستنی گەلی ئەمریکایە، هەموو سەرۆکەکان ئەوە دەڵێن، بەڵام ئێستا سەرۆکێکمان هەیە کە بەڕاستی باوەڕی پێی هەیە و شتێک لەوبارەیەوە دەکات."
ناوبراو بە ئاماژە بە مێژووی دوژمنایەتی کۆماری ئیسلامی لە بەرامبەر ئەمریکا، زیادی کرد: هەروەک سەرۆک کۆماری ئیسلامی لە شەوی دەستپێکردنی ئەم ئۆپەراسیۆنەدا بۆ جیهانی روونی کردەوە ، ئێران ٤٧ ساڵە لەگەڵ ئەمریکا لە شەڕدا بووە، ٤٧ ساڵە ئێران لە هەموو جیهاندا ئەمریکییەکان دەکوژێت و هێرشیان دەکاتە سەریان، بەڵام ئەم سەرۆکە کەسێک نییە کە بێکردەوە قبوڵ بکات." ئەم مەترسییە لە شوێنی خۆیدا بەجێناهێڵێت و چارەسەری دەکات".