میدیاکانی ئێران باسیان لە ئامادەبوونی "زیاتر لە ٨٠ کەس" لە شاندی کۆماری ئیسلامی بۆ دانوستان لەگەڵ ئەمریکا لە ئیسلام ئاباد کردووە و ئاماژە بەوەش دەکەن کە شاندەکە لەلایەن محەمەد باقر قالیباف، سەرۆکی مەجلیسی شۆرای ئیسلامییەوە سەرۆکایەتی دەکرێت.
جگە لە قالیباف، شاندەکە بریتین لە عەباس عەراقچی وەزیری دەرەوە، عەلی ئەکبەر ئەحمەدیان، سکرتێری ئەنجوومەنی بەرگری، عەلی باقری کانی، جێگری ئەفسەری سیاسەتی دەرەوە لە سکرتاریەتی ئەنجومەنی باڵای ئاسایشی نیشتمانی، عەبدوڵناسر هێماتی، پارێزگاری بانکی ناوەندی، کازم غەریب ابادی، جێگری وەزیری دەرەوە، ماجید تاخت-راڤانچی، جێگری وەزیری دەرەوە، تایبەتمەند یاریدەدەری سەرۆکی مەجلیسی شۆرای ئیسلامی بۆ کاروباری نێودەوڵەتی ئەبولفازل ئاموعی و مەحمود نەبۆیان نوێنەری تاران و جێگری سەرۆکی کۆمیسیۆنی ئاسایشی نیشتمانی و سیاسەتی دەرەوەی مەجلیس.
هەروەها ئەمیری موقەدەم باڵیۆزی کۆماری ئیسلامی لە پاکستان یاوەری شاندەکە دەکات.
ئاژانسه هەواڵییەکانی ئێران بڵاویانکرده وه که جگه له دانوستانکارانی سەرەکی، ٢٦ ئه ندامی لیژنه تەکنیکی و پسپۆرییەکان له بوارەکانی ئابوری، ئەمنی و سیاسیش بەهۆی "هەستیارییەکی زۆری دانوستانەکان" بۆ پێشکه شکردنی ئامۆژگاری پێویست له شاندەکەدا ئامادەن.
شاندی دانوستانکار ٢٣ ئەندامی میدیای ئێرانیش یاوەری دەکەن. هەروەها ژمارەیەک لە کارمەندانی ڕەوانەکراو بەشدارن لە تیمەکانی پرۆتۆکۆڵ و هەماهەنگی و وەرگێڕان و ئاسایش.