سەرۆکی کۆماری ئیسلامی ئێران، مەسعود پزیشکیان، پەیامێکی لە تۆڕی کۆمەڵایەتی ئێکس بڵاوکردوەتەوە و دەڵێت " هەڕەشە و پێشێلکردنی بەڵێنەکان، رێگرن لە هەر جۆرە دانوستاندنێکی جدی دەکەن".
چوار شەممە، ٢٢ نیسان ٢٠٢٦، مەسعود پزیشکیان نوسیویەتی "کۆماری ئیسلامیی ئێران پێشوازی لە گفتوگۆ و رێککەوتن کردووە و لەسەر ئەو سیاسەتەش بەردەوامە، بەڵام پێشێلکردنی بەڵێنەکان، گەمارۆ و هەڕەشەکان، رێگری سەرەکین لەبەردەم دانوستاندنی راستەقینە".
"جیهان دەربڕینە دووفاقییە کۆتایی نەهاتووەکانی ئێوە و ئەو دژایەتییە دەبینێت کە لەنێوان قسە و کردەوەکانتاندا هەیە" سەرۆکی ئێران بە ئەمریکای وتوە.
٢٨ شوباتی ٢٠٢٦، ئەمریکا و ئیسرائیل هێرشیان بۆسەر ئێران دەستپێکرد و جەنگ بۆ ماوەی ٣٩ رۆژ بەردەوام بوو، لە ٨ نیسان ئاگربەست بۆ ماوەی ١٤ رۆژ راگەیاندراو و رۆژی رابردوو سەرۆکی ئەمریکا جارێکی تر کاتی ئاگربەستەکەی درێژکردەوە.