ئەمڕۆ سێشەممە ٢٨ی نیسان نرخی نەوت لە بازارەکانی جیهان بەرزبووەوە و بەرمیلێک لە سەروو ١٠٨ دۆلار مامەڵەی پێوە دەکرێت.

ئاژانسە ئابوورییەکان رۆژی سێشەممە بڵاویانکردەوە کە نرخی یەک بەرمیل نەوتی برێنت ١٠٨ دۆلار و ٦٨ سەنت مامەڵەی پێوەدەکرێت.

هاوکات نرخی نەوتی سووکی تەکساسی ئەمریکاش ٥٨ سەنتی دیکە بەرزبووەوە و بە ٩٦ دۆلار و ٩٦ سەنت مامەڵەی پێوەکرا.

چەقبەستوویی دانوستانەکانی ئەمریکا و ئێران و گەمارۆ دەریاییەکانی ئەمریکا وەک هۆکاری سەرەکی ئەم بەرزبوونەوەیە دادەنرێن.