دوای بڵاوبونەوەی راپۆرتێکی رۆژنامەی وۆڵ ستریت جۆرناڵ سەبارەت بەوەی "دۆناڵد ترەمپ، سەرۆکی ئەمریکا بە بەرپرسانی ئاسایشی نیشتمانی وڵاتەکەی وتوە ئامادەکاری بکەن بۆ گەمارۆدانی درێژخایەنی سەرجەم بەندەرەکانی ئێران و گەرووی هورمز".
چوار شەممە، ٢٩ نیسان ٢٠٢٦، دوای راپۆرتەکەی رۆژنامە ئەمریکیەکە ئێستا نرخی یەک بەرمیل نەوتی خاوی برێنت بۆ گرێبەستەکانی مانگی حوزەیران، بە رێژەی ٪٥.١٦ بەرزبووەوە و گەیشتە ١١٧ دۆلار، کە ئەمە ئاستێکی پێوانەیییە لەم مانگەدا.
نەوتی تەکساسی ئەمریکی (WTI) بە هەمان شێوە نرخەکەی بە رێژەی ٪٤.٨٥ زیادی کرد، و ئێستا نرخی هەر بەرمیلێک گەیشتوەتە ١٠٤.٧٨ دۆلار.
شارەزایانی ئابووری پێیان وایە ئەم هەنگاوەی دۆناڵد ترەمپ نیشانەی ئەوەیە واشنتن بە نیاز نییە بەم زووانە فشارە ئابوورییەکانی سەر تاران کەم بکاتەوە.