سەرۆکی ئەمریکا لە پەیامێکی تونددا کە لە ڕێگەی هەژماری تایبەتی خۆی لە "تروس سۆشیاڵ" بڵاویکردەوە ڕایگەیاند” کۆتاییهێنان بە ئۆپەراسیۆنی سەربازی "تووڕەیی داستانئاسا" تەنها بەستراوەتەوە بە ڕەزامەندی و پابەندبوونی تەواوەتی تاران بەو مەرجانەی کە لەسەری ڕێککەوتوون.”
دۆناڵد ترەمپ بەڵێنی ئەوەی دا کە لە ئەگەری جێبەجێکردنی ڕێککەوتنەکەدا واشنتن گەمارۆی سەر گەرووی هورمز هەڵدەگرێت و ڕێڕەوەکە بە ڕووی هەموو وڵاتان و تەنانەت خودی ئێرانیشدا دەکاتەوە تاوەکوو جوڵەی بازرگانی و هەناردەی وزە بگەڕێتەوە دۆخی ئاسایی خۆی.
سەرۆکی ئەمریکا لە پەیامەکەیدا گومان و بێ متمانەیی خۆی بەرامبەر بەڵێنەکانی تاران نیشان دا و هۆشداری دا ئەگەر ئێران لە جێبەجێکردنی خاڵەکان پاشەکشە بکات یان ڕازی نەبێت ئەوا فەرمانی دەستپێکردنەوەی پرۆسەی بۆردومانکردنی چڕ دەردەکات.
ترەمپ جەختی لەوەش کردەوە کە هێرشەکانی ئەمجارە لە ڕووی کوالێتی و قەبارەوە زۆر توندتر و وێرانکەرتر دەبن بەراورد بە قۆناغەکانی پێشووی جەنگەکە و ڕێگە نادەن تاران کات بەفیڕۆ بدات یان لە مەرجە سەرەکییەکان لابدات.