ترەمپی سەرۆکی ئەمەریکا هەڕەشەی وەشاندنی گورزی قورسی لە ئێران کرد، راوێژکاری رابەری ئێران رایگەیاند" دەستمان لەسەر پەلەپیتکەی چەکەکانە".
میدیاکانی ئێران بڵاویانکردەوە، عەلی ئەکبەر ویلایەتی، راوێژکاری رابەری ئێران لەلێدوانێکدا دەڵێت " دۆناڵد ترەمپی سەرۆکی ئەمریکا بەرپرسیارێتی کۆتاییهێنان بە لێکتێگەیشتنەکانمان لەگەڵ ئەمریکا هەڵدەگرێت ".
لە درێژەی لێدوانەکەیدا وتیشی " جوڵەکانی ئەمریکا ناوچەکە بەرەو ئاگر دەبات"، لەبارەی بەرەی مقاوەمەشەوە وتی " بەرەی مقاوەمە بەرامبەر هەر سەرکێشییەک بێدەنگ نابێت و دەستیان لەسەر پەلەپیتکە چەکەکانیانە ".
ترەمپ سەرۆکی ئەمەریکا ئەمڕۆ کۆتایی بە لێکتێگەیشتنی راگرتنی شەڕ هێنا، هاوکات هەڕەشەشی کرد کە ئەمشەو هێرشی قورس دەکەنە سەر ئێران.