هاوپەیمانی نێو دەوڵەتی بە سەرۆکایەتی ئەمەریکا ئەمڕۆ ٨/٥ یەکەم گورزی ئاسمانی لە بنکەی ئینچەرلیکەوە دژی داعش ئەنجامدا.
تۆڕی هەواڵی CNN لەزاری بەرپرسە سەربازییە ئەمەریکییەکانەوە بڵاویکردەوە ئەمڕۆ فرۆکەکانی ئەمەریکا یەکەم گورزی ئاسمانیان لە بنکەی ئیچەرلیکەوە لە تورکیا لە دژی بنکەکانی داعش لە باکوری سوریا وەشاندووە.
دەستکردن بە وەشاندنی گورزی سەربازی لەبنکەی ئینچەرلیکەوە لەلایەن هاوپەیمانانەوە دژی داعش، دوای رێککەوتنی ئەمەریکا و تورکیا دێت لەسەر بەکارهێنانی بنکەکە بۆ لێدانی داعش.