ئاژانسی هه‌واڵی ئه‌نادۆڵی توركیا ناوی وه‌زیره‌كانی كابینه‌ نوێیه‌كی یه‌ڵدرمی ئاشكراكردوه‌، كه‌ دوای ده‌ستله‌كاركێشانه‌وه‌ی ئه‌حمه‌د داود ئۆغلۆ له‌لایه‌ن ئه‌ردۆگانه‌وه‌ بۆ ئه‌وپۆسته‌ هه‌ڵبژێردرا .

به‌پێی هه‌واڵه‌كه‌ی ئه‌نادۆڵ، هه‌ریه‌ك له‌ نوره‌دین جانیكلی و محه‌مه‌د شیشمك و نعمان قورتولموش و توخڕڵ توركیش و وه‌یسی قایناق وه‌ك جێگری سه‌رۆك وه‌زیران دانراون .

رونیشكراوه‌ته‌وه‌، مه‌ولود چاویش ئۆغلۆ وه‌ك وه‌زیری ده‌ره‌وه‌ی حكومه‌ته‌ نوێیه‌كه‌ی توركیا دانراوه‌و فكر ئاشیق پۆستی وه‌زیری به‌رگری پێدراوه‌ .

ئاماژه‌ بۆ ئه‌وه‌شكراوه‌، به‌كر بوزاغ وه‌زیری دادو فاتمه‌ به‌تول سیان قایا وه‌زیری خێزان و كاروباری كۆمه‌ڵایه‌تی و عومه‌ر جه‌لیك وه‌زیری كاروباری یه‌كێتی ئه‌وروپا و فاروق ئۆزلۆ وه‌زیری زانست و پیشه‌سازی و ته‌كنه‌لۆژیا و سلێمان سویلۆ وه‌زیری كارو بیمه‌ی كۆڵایه‌تی .

 ئه‌نادۆڵ ئه‌وه‌شی خستووه‌ته‌ڕوو،هه‌ریه‌ك له‌  نهاد زیبكچی وه‌زیری سامانه‌ ئاژه‌ڵداریه‌كان و بولنت توفنكجی وه‌زیری بازرگانی و خاڵه‌ سنوریه‌كان و نابی ئافچی وه‌زیری گه‌شتوگوزارو ناجی ئیغبال وه‌زیری دارایی و عسمه‌ت یه‌ڵماز وه‌زیری په‌روه‌رده‌، ده‌ست نیشان كراون .