ستیڤن منوچین: هه‌ر كاتێك پێویست بكات سزاکانی ئەمریکا بۆسەر تورکیا جێبەجێ دەکەین

‌

وه‌زیری گه‌نجینه‌ی ئه‌مه‌ریكا له‌ دیدارێكی میدیاییدا له‌ شانشینی سعوودیه‌ ڕایگەیاند" واشنتن ره‌شنووسی سزاكانی سه‌ر ئەنقەرەی ئاماده‌ كردووه‌ و هه‌ر كاتێك پێویست بكات جێبه‌جێی دەکەین".


ستیڤن منوچین، وه‌زیری گه‌نجینه‌ی ئه‌مه‌ریكا لە دیدارەکەدا ئاشکراشیکرد: دۆناڵد ترەمپ ره‌شنووسی ئه‌و سزایانه‌ی ئاماده‌کردووە، كه‌ توركیای پێ  ده‌كرێته‌ ئامانج و دوای ئاماده‌كردنیشی، ئه‌و ره‌شنووسه‌ پێشكه‌ش به‌ مایك پێنس، جێگری سه‌رۆكی ئه‌مه‌ریكا كراوه‌، بۆ ئه‌وه‌ی ئه‌نقه‌ره‌ ناچار بكات ئاگربه‌ست رابگه‌یه‌نێت.


ئەوە لە کاتێکدایە بەهۆی هێرشەکانی تورکیا بۆ سەر کورد و هێزەکانی سوریای دیموکرات لە ناوچەکانی باکوری سوریا زیاتر لە 300 هەزار کەس ئاوارە بون و بە سەدان هاوڵاتی برینداربون و دەیان هاوڵاتی مەدەنیش کوژراون، بەو هۆیەش ئەندامانی کۆنگرێس لە سەرەتای هێرشەکانەوە داوای سەپاندنی سزایان بەسەر تورکیادا دەکرد. 
 



PM:09:09:30/10/2019






ئەستێرەکان

Spee Media