هونەرمەندی دیاری کوردستان دیاری قەرەداغی نوێترین بەرهەمی خۆی بەناوی (بەشی من تەنیایی) لە داهاتوویەکی نزیکدا بڵاودەکاتەوە.
گۆرانی بەرهەمە نوێکەی دیاری قەرداغی لەلایەن ئەفشین محەمەدییەوە نوسراوە و ئاوازی خۆیەتی و ئارام سەردار کاری موزیک و ئەرەنجمێنتی بۆ کردووە، هاوکات لەلایەن ڤینۆرپدەکشنەوە کارەکانی تری کلیپەکە بە ئەنجام گەیەندراوە.
دیاری قەرەداغی ساڵی ١٩٦٧ لە شاری سلێمانی لەدایکبووە، گۆرانیبێژێکی دیاری کوردە، جگە لە ڤیدیۆ کلیپ و کۆنسێرت و گۆرانی تۆمارکراو، لە ماوەی ڕابردوودا هەشت ئەلبومی گۆرانی بڵاوکردووەتەوە بە ناوەکانی (سەراب، عەشق لێرە، سەدەیەک بێ ئارامی، بێدەنگی دەشکێنم، بۆنی خاک، نیشتمانێک لە گوڵ، سەردەمێکی تر ساڵی، ڕێی باران).