ئارجان محەمەد ڕەشید بەڕێوەبەری گشتی تەندروستی کەرکوک لە ڕاگەیەندراوێکدا بڵاویکردەوە" تیمی پزیشکی ئەم نەشتەرگەرییەیان لە نەخۆشخانەی ئافرەتان و منداڵان لە کەرکوک ئەنجامداوە".

ئاماژەی بەوەشکردووە، دوای نەشتەرگەرییەکە باری تەندروستی دایک و دوانەکان جێگیرە.

ئەوەشی خستەڕوو، حاڵەتەکانی دوانە جوتەکان کە تیایدا دوانەکان ئەندامی گرنگی وەک دڵیان هاوبەشە، حاڵەتێکی دەگمەن و ئاڵۆزن کە پێویستیان بە پلانی ورد و کاری نەشتەرگەری هەیە لەلایەن چەند تیمێکی پزیشکییەوە.

باسی لەوەشکرد، لەم حاڵەتەدا چاودێری دووگیانیەکە بە وردبینییەکی زۆرەوە کراوە بۆ دڵنیابوون لە تەندروستی دایکەکە و دوانەکان.

لای خۆیەوە دکتۆر سوزان وەهبی پزیشکی سەرپەرشتیاری نەشتەرگەریەکە ڕوونیکردەوە کە حاڵەتی دوانە جوتەکان دەگمەنە و ڕێژەی تووشبوونیان بە نزیکەی یەک لە هەر ٥٠ هەزار بۆ ٢٠٠ هەزار لە دایکبوون خەمڵێندراوە.

ئاماژەی بەوەشکرد، پێشبینیدەکرێت نزیکەی ٤٠ - ٦٠%ی ئەو لە دایکبوونانە بە مردن کۆتایی پێبێت، لە کاتێکدا تەنها نزیکەی ٢٥% لە دوای لە دایکبوون لە ژیاندا بمێننەوە.