بەڕێوەبەرایەتی گشتی تەندروستی سلێمانی ژمارەیەک ڕێنمایی بۆ خۆپاراستن لە نەخۆشی تای خوێنبەربوون بڵاوکردەوە و ئاماژە بەوە دەکات، ئەو شوێنانەی نەخۆشی تای خوێنبەربوون تێیاندا بڵاوبووەتەوە، پێویستە ئەم هەنگاوانەی خوارەوە بگرنەبەر:
- گۆشتی ئاژەڵی ماڵی لەناو دەفرێک بە داپۆشراوی بپارێزە لە دژی قرتێنەر.
- پاشماوەکان لە سەبەتەی خۆڵی دژە قرتێنەر فڕێبدە و زووزوو سەبەتە خۆڵەکە پاکبکەرەوە و خێرا پاشماوەکان فڕێبدە.
- دەرگا و پەنجەرەکان بەباشی بە پەردەی دژە مێشوولە دابپۆشە.
- دار، خشت و کەرەستەکانی دیکە بەلانیکەم ٤٠ مەتر لە ماڵەکەت دووربخەرەوە.
- گژوگیا لاببە و لق و پۆپی زیادەی دارەکان ببڕەوە.
هەر لە بڵاوکراوەکەدا تەندروستی سلێمانی ئاماژەی بە نیشانەکانی توشبوون بەو نەخۆشییەی بڵاوکردووەتەوە، لەوانە، (هێڵنج و رشانەوە، ئازاری ماسولکە، ئێسک یان جومگەکان، تا، سکچوون، گێژخواردن و ماندوبوون و شەکەتی).
ئەوەشی خستەڕوو، بەشێک لە نیشانەکان، مەترسی لەسەر ژیانی نەخۆشەکە دروستدەکەن، لەوانە، (خوێنبەربوونی ژێر پێست، ناڕێکی لە کاری کۆئەندامی دەمار، لەدەستدانی هۆش، پەککەوتنی گورچیلە، هەناسەدان و جگەر).
تەندروستی سلێمانی باسی لە ژمارەیەک هۆکار کردووە کە مەترسی توشبوون بە نەخۆشییەکە زیاتر دەکەن لەوانە:
– کارکردن لەگەڵ کەسانی توشبوو.
– خواردن یان سەربڕینی ئاژەڵی توشبوو.
– دووبارە بەکارهێنانی سرنجی بەکارهاتوو لە ڕێی دەمارەوە.
– ئەنجامدانی کرداری (سێکس) بەبێ خۆپارێزی.
– کارکردن لە دەرەوە، یان لەو باڵەخانانەی مشکیان تێدایە.
– بەرکەوتن بەر خوێن، یان شلەکانی تری کەسێکی توشبوو.