بەڕێوەبەرایەتیی پۆلیسی دارستان و ژینگەی ڕاپەڕین کۆتاییهاتنی ماوەی قەدەغەکردنی ڕاوی ماسی ڕاگەیاند، کە ماوەی سێ مانگی خایاند و تێیدا لە ڕێگەی جێگیرکردنی ١١ خاڵی چاودێرییەوە، چاودێریی دەریاچەی دوکان و ئەو ناوچانەیان کردووە کە ماسییان تێدا ڕاو دەکرێت.

جەبار ئادەم، وتەبێژی پۆلیسی دارستان و ژینگەی ڕاپەڕین لە کۆنفرانسێکی ڕۆژنامەوانیدا وتی: لیژنەیەکی تایبەت بە قەدەغەکردنی ڕاوی ماسییان لەسەر دەریاچەکان پێکهێنابوو بۆ ڕێگری لە ڕاوەماسی. لەو ماوەیەدا دەستبەسەر حەوت بەلەم و چەندین کەرەستە و کەلوپەلی ڕاوکردندا گیراوە، هەروەها ژمارەیەک سەرپێچیکاریش دەستگیرکراون و ڕووبەڕووی یاسا و دادگا کراونەتەوە؛ هاوکات ٣٤ پەڕاوی لێکۆڵینەوە کراوەتەوە و دۆسیەش بۆ ٤٢ دەستبەسەرکراو ڕێکخرامە.

هەر لەو کۆنفرانسە ڕۆژنامەوانییەدا، بەڕێوەبەری پۆلیسی دارستان و ژینگەی ڕاپەڕین داوای لە وەزارەتی کشتوکاڵ و سەرچاوەکانی ئاو و وەزارەتی ناوخۆ کرد، خزمەتگوزاریی زیاتر و هاوکاریی زیاتریان پێشکەش بکەن.