لە توێژینەوەیەكی سویدیدا دەركەوتووە خواردنەوەی قاوە هۆكارێكە بۆ رێگریكردن لە تووشبوونی ژنان بە شێرپەنجەی مەمـك.
لەو توێژینەوەیەدا كە لە زانكۆی لۆندی سویدی ئەنجامدرا (١١٠٠) ژن بەشدارییان كـردووە و چاودێری خواردنەوەی قاوە كرا تیایاندا، دەركەوت كافین توانای هەیە لە جەستەدا وەك ماددەیەكی دژەئۆكسێنەر مامەڵە بكات و ئەوەش ناهێڵێت شێرپەنجەی مەمكی ژنان دەربكەوێت.
هاوكات قاوە دەشتوانێت لە قۆناغە سەرەتاییەكانی شێرپەنجەی مەمكدا وەرەم لەناوبەرێت و ئەوەش لەڕێگەی ناردنی سیگناڵەوە دەبێت بۆئەوەی خانە شێرپەنجەییەكان لەناوببرێت، هەروەها خواردنەوەی دوو كوپ قاوە لەرۆژێكدا بەڕێژەی (٢٠%) ئەگەری تووشبوون بەو جۆرە شێرپەنجەیە كەمدەكاتەوە و یارمەتیدەرە لەكاتـی وەرگرتنی چارەسەری شێرپەنجەدا بۆ زووتر چاكبوونەوە.