ڕەنگە خانمان بەهۆی هەستكردن بەماندوێتی زۆرەوە ئەوە پشتگوێ بخەن كە شەوانە پێش خەوتن ماكیاژ لەڕوخساریان لێبكەنەوە،بەڕای پسپۆڕانی تەندروستیش مانەوەی ماكیاژ بە ڕوخسارەوە زیانی هەیە.
زیانەكانی مانەوە ماكیاژ بە ڕوخسارەوە
1- بەردەوام مانەوەی ماكیاج بەپێستی ڕوخسارەوە هۆكار دەبێت بۆ تێكچون و چرچ بونی پێستی ڕوخسار و دەركەوتنی نیشانەكانی پێش وەختی چرچی لەسەر پێست.
2- هۆكار دەبێت بۆ كەڵەكەبونی بەكتریا لەسەر پێستی ڕوخسار و ئەمەش هۆكار دەبێت بۆ دەركەوتنی پەڵەو زیپكەی سپی لەسەر پێستی ڕوخسار.
3-گیرانی كونیلەكانی پێست بە پێكهاتەكانی ماكیاج دەركەوتنی خاڵی ڕەش و پەڵەی ڕەش لەسەر پێست.
4-مانەوەی ماكیاج بەپێستی ڕوخسارەوە هۆكار دەبێت بۆ ئەوەی پێستی ڕوخسار لەكاتی شەودا نوێ نەبێتەوە و مــــــاندوێتی پێوە دیار بێت.