دیکلان ڕایس ئەستێرەی یانەی ئارسناڵ بێدەنگی خۆی شکاند، دوای ئەوەی هاندەرانی سەرنجیان دا پەڵەیەکی قاوەیی سەیر لەسەر پشتی شۆرتەکەی.

ئارسناڵ لە سێشەممەی ڕابردوودا بە لێدانی سزا 4-2 (کاتی ئاسایی و زیادکراو 1-0) لە پۆرتۆی پورتوگالی بردەوە سەرکەوت بۆ قۆناغی چارەکی کۆتایی چامپیۆنزلیگ.

لە میانی ئەڵقەیەکی ئەم دواییەی پۆدکاستەکەی پیتەر کراوچ، ستیڤ سیدوێڵی یاریزانی پێشووی یانەی ئارسناڵ و برایتۆن پەیامێکی دەنگی بۆ ڕایس بە شێوەیەکی ڕاستەوخۆ بەجێهێشت و داوای لێکرد شۆرتەکەی پاکبکاتەوە.

زۆری نەخایاند ڕایس وەڵامی دایەوە و ئەو دەنگۆیانە ڕەتکردەوە.

ئەو پەیامە دەنگییەی کە بۆ سیدوێڵی ناردبوو لە بەرنامەکەدا لێدرا، ئەویش وتی: وێنەکەم بینیوە کە بڵاودەکرێتەوە و زۆر گوماناوی دەردەکەوێت، چونکە هیچ شتێکی تر لە دەوروبەری شۆرتەکەدا نییە جگە لەو ناوچەیە، و پێدەچێت تەنها بێت ،ئەوە لە 100% قوڕە کە لە زەوی یاریگاکەوە بەهۆی هەندێک لێدان و کەوتنەوە بەریکەوتووە”.