خیسۆس کاساس راهێنەری هەڵبژاردەی عێراق لە کۆنگرە ڕۆژنامەوانییەکەدا پاش بردنەوە لە عومان 1-0 وتی: بەدڵنیاییەوە گرنگترین شت سێ خاڵە ئێمە زۆر تۆپمان لانەبوو، فاکتەری جەستەیی هۆکاری ئەوە بوو، و بە گشتی یاری یەکەم هەمیشە ئاسان نییە، و تیپەکانیشمان بینی ئوسترالیا و قەتەر و کۆریای باشوور لە سەرەتاوە لەرزین نۆ یاریمان ماوە و دەبێت بیر لە هەریەکەیان بکەینەوە بە جیا.
سەبارەت بە پێکانی یاریزان ئەیمەن حسێن وتی: وردەکاری لەبەردەستدا نییە، چونکە دوای کۆتایی هاتنی یارییەکە ڕاستەوخۆ گواستراوەتەوە بۆ نەخۆشخانە.
لە کۆتایی قسەکانی دا وتی: هەمیشە هەست بە شانازی دەکەم کاتێک لە بەسرە یاری دەکەین، کە هاندەران پاڵپشتیمان بۆ دەکەن، هاندەرانیش بەشداری و کاری خۆیان دەکەن.
عێراق لە یەکەم دەرکەوتنیدا لە قۆناغی کۆتایی پاڵاوتنەکانی ئاسیا بۆ گەیشتن بە مۆندیالی٢٠٢٦توانی بە گۆڵێکی ئەیمەن حسێن یەکەم سەرکەوتن و سێ خاڵ بە دەست بهێنێت.