بەرەبەیانی ئەمڕۆ چوارشەممە ئەرجەنتین6-0 شکستی بە بۆلیڤیا هێناو میسی توانی سێ گۆڵ تۆمار بکات.
دوای یاریەکە قسەی بۆ میدیاکان کردوو ئەمە لێدوانەکانیەتی...
لیۆ مێسی:
زۆر دڵخۆشم، بەتایبەتی لەبەرئەوەی لەڕووی جەستەییەوە هەستم بە باشی دەکرد و هێزم هەیە بۆ ئەوەی بەخێرایی ڕابکەم، ئەمەش بۆ من گرنگترین شتە.
پرسیار لە میسی کرا سەبارەت بە گەیشتن بە 100 گۆڵ بە درێسی ژمارە 10 و تۆمارکردنی هاتریک بۆ جاری دەیەم لەگەڵ ئەرجەنتین. .
لیۆ مێسی وتی: نەخێر، باشە، ئەگەر ڕاستگۆ بم نەمدەزانی و گوێم لە دروشمەکان نەبوو، بەڵام زۆر نایاب و سەرنجڕاکێشە کە سێ گۆڵی دیکە لەم یارییەدا تۆمار بکەم.
لیۆ مێسی:
هیوادارم ئامانجەکان بەدی بهێنرێن بۆ ئەوەی بتوانم ساڵ بە باشی لەگەڵ یانەکەدا کۆتایی پێبهێنم، دواتر چێژ لە گرتنەبەری شتەکان وەربگرم هەنگاو بە هەنگاو، ڕۆژ بە ڕۆژ”.
وازهێنان؟
لیۆ مێسی : "بەروار و وادەم دانەناوە، تەنها دەمەوێت چێژ لە هەموو شتێک وەربگرم.
لە هەموو کاتێک زیاتر پەرۆشم بۆ ئەوەی لێرە بم و هەست بە خۆشەویستی خەڵک بکەم، چونکە دەزانم ئەمە دەتوانێت دوا یاری بێت.
میسی: چێژ لە دڵخۆشبوون وەردەگرم لە هەر شوێنێکدا بم سەرەڕای تەمەنم، کاتێک لێرەم هەست بە ئاسوودەیی دەکەم لەگەڵ ئەم تیپەدا تا ئەو کاتەی هەست بە ئاسوودەیی دەکەم و بتوانم ئەو ئاستە پێشکەش بکەم کە دەمەوێت. ئێمە بەردەوام دەبین لە خۆشی”.
لیۆ مێسی:
"بۆ تیپێک کە بە ئاستەنگی زۆردا تێدەپەڕێت بەڵام هەمیشە توانی بەسەریاندا زاڵ بێت، یارییەکەی بەرامبەر ڤەنزوێلا قورس بوو بەهۆی ئەو مەرجانەی ڕووبەڕوومان بووەوە، وەک گەشتە درێژەکە”.
بیرۆکەیەک هەبوو کە بچینە میامی بۆ ئەوەی شتەکان ئاسانتر بێت، بەڵام ئەوە بەهۆی گەشتەکان و ئەوەی بەدوایدا هات ئاڵۆزتر بوو. دوای ئەو گەشتە هەستمان بە ماندوێتی کرد، بەڵام یاریگاکە یارمەتیمانی دا ئەو کارە بکەین کە لە یارییەکاندا ڕاهاتووین و دەمانزانی چۆن ئەو تەحەددایانە تێپەڕێنین”.
لیۆ مێسی:
"پێویستە سەرکەوتن بەدەست بهێنین بۆ ئەوەی بەردەوام بین لە پێشکەوتن، کاردەکەین بۆ ئەوەی وەک تیمێک گەشە بکەین هەنگاوێکی گرنگ هەیە کە دەبێت بەدەستی بهێنین بۆ ئەوەی بە خێرایی سەرکەوین”.
لە یەکەم یاریدا لە خاکی ئەرجەنتین دوای زیاتر لە ساڵێک هەستت چۆن بوو؟
مێسی: هەست بە دڵخۆشییەکی زۆر دەکەم کە لێرە لەبەردەم هاندەرەکانمان یاری دەکەم، ئێمە و هاندەران دڵخۆشین بەهۆی ئەنجامەکەوە چونکە بە یارییەکی باش گەڕاینەوە بۆ سەرکەوتن بۆیە پیرۆزبایی لە هەموو لایەک دەکەم”.