سەرۆکوەزیرانی عێراق محمد شیاع سودانی پێشوازی لە سەرۆکی فیدراسیۆنی تۆپی پێی عێراق دەکات.
ئەمڕۆ پێنجشەممە، سەرۆکوەزیرانی عێراق سودانی پێشوازیکرد لە سەرۆکی فیدراسیۆنی تۆپی پێی عێراق عەدنان درجال.
لە میانی دیدارەکەدا باسیان لە دۆخی هەڵبژاردەی عێراق و ئامادەکارییەکان کرد بۆ یارییەکانی داهاتوو و یەکلاکەرەوەی پاڵاوتنەکانی مۆندیالی 2026، لەگەڵ جەختکردنەوە لەسەر لەدەستنەدانی دەرفەتی بەدیهێنانی خەونی عێراقییەکان بۆ سەرکەوتن بۆ مۆندیال، بەتایبەتی دوای بەشداریکردنیان لە پاڵەوانێتی کەنداوی 26”، کە تیپەکە بە ئەنجامێکەوە کرایە دەرەوە کە لە ئاستی ئاواتەکانی هاندەراندا نەبوو.
سودانی جەختی لە گرنگی ھەڵگرتنی بەرپرسیارێتی نیشتیمانی ھەموو لایەک کرد لە پێناوی سەرکەوتن بۆ مۆندیال، ھەروەھا بەدیھێنانی خەونی عێراقییەکان بۆ نوێنەرایەتیکردنی وڵات لە گرنگترین ڕکابەرییەکانی تۆپی پێ لەجیھاندا، جەختی لە پاڵپشتی بەردەوامی حکومەت بۆ ھەڵبژاردەی عێراق و فیدراسیۆن لەم ئەرکە نیشتمانییەدا، و گرنگی بەردەوامبوونی هاندەران و میدیاکان لە پشتگیریکردنی هەڵبژاردەی عێراق لەم ئەرکەدا.
هەروەها سەرۆک وەزیرانی عێراق باسی لە پرسی خولی پیشەگەری عێراق کرد، و دابینکردنی هەموو ئامراز و پێداویستییەک بۆ سەرکەوتنی. بەهۆی کاریگەری لەسەر بەرزکردنەوەی ئاستی یانەکان و یاریزانان و کاریگەری لەسەر ئاستی تیپە میللیەکان و یانەکان لە شایستە دەرەکیەکانیان و ئەوەی حکومەت پێشکەشی دەکات بۆ ئەوەی ئەم تاقیکردنەوەیە سەرکەوتوو بێت، دوای واژۆکردنی گرێبەستی هاوبەش لەگەڵ خولی ئیسپانیا (لالیگا).