جۆرجینا ڕۆدریگێز، هاوبەشی ئەستێرەی پورتوگالی کریستیانۆ ڕۆناڵدۆ، کاپتنی یانەی نەسری سعودی، ئەو ڕۆتینەی ڕۆژانەی رۆناڵدۆ ئاشکرا کرد کە مەشقی لەسەر دەکات و بە تەواوی چالاکی دەکات.
جۆرجینا دەڵێت: کریستیانۆ کاتژمێر شەشی بەیانی لە خەو هەڵدەستێت و هەندێک وەرزش دەکات، هەروەها بەیانیان ئاوێکی زۆر دەخواتەوە، چونکە پێی وایە دەستپێکردنی ڕۆژێکی نوێ پێویستی بە جەستەیەکی بەهێز و تەندروست هەیە.
ئاماژەی بەوەشکردووە، دوای ئەوەی لە خەو هەڵدەستێت نانی بەیانی دەخوات کە پێکهاتووە لە میوە و پەنیر و هێلکە، دواتر دەگەڕێتەوە هۆڵی وەرزش بۆ بەرزکردنەوەی قورسایی بۆ ماوەی دوو کاتژمێر، دوای ئەوە پشوویەک دەدات و پاشنیوەڕۆ لەگەڵ خێزانەکەی یان هاوڕێکانیدا پشوو دەدات.
لە کۆتایی ڕۆژدا دەچێتە مەلەکردن چونکە پێی وایە ڕێگەیەکی زۆر باشە بۆ ئارامکردنەوەی جەستە پێش ئەوەی بخەوێت”.