لاپۆرتا سەرۆکی یانەی بەرشەلۆنە قسەی لەسەر گیانلەدەستدانی پزیشکی یانەکەی کارلێس مینارۆ گارسیا دەکات و رایدەگەیەنێت لە کەمپی یانەکە مردووە.
لاپۆرتا دەڵێت" پیاوێکی خۆشەویست بوو لەلایەن هەمووانەوە، و ئەم ئێوارەیە لە کاتی کەمپی تیپەکەدا کۆچی دوایی کرد. وەک لە خەیاڵدان یاریزانەکان و ستافی ڕاهێنەرایەتی و بەڕێوەبەرەکە هەموویان زۆر دڵتەنگ بوون. دڵتەنگییەکی زۆر هەبوو، چونکە کەسێکی زۆر خۆشەویست بوو. هەموومان خۆشمان دەویست.
پیاوێک بوو لە هەموو گەشتەکاندا یاوەری تیپەکەی دەکرد، ئاگاداری هەموو یاریزانەکان و ستافی تەکنیکی و هەموو کەسێک بوو. هەرگیز داواکارییەکی کەسی ڕەت نەکردەوە.
پیشەگەرێکی گەورە و پزیشکێکی گەورە بوو. ڕاستگۆیانە ئەوەی بەسەریدا هاتووە زۆر دڵتەزێنە.
ئەمەش پێویستە لەم ساتە سەختانەی خەم و ئازاردا هێزمان پێببەخشێت.
پێم وایە باشترین بژاردە ئەوە بوو کە داوای دواخستنی یارییەکە بکرایە و ئێمەش ئەوەمان کرد.
یەکسەر پەیوەندیمان بە سەرۆکی خولەکە کرد بۆ ئەوەی دۆخەکە و چی ڕوویداوە ڕوون بکەینەوە. ئێمە داوای دواخستنی یارییەکەمان کرد، ئەویش بە تەواوی تێگەیشت و دەستی کرد بە گرتنەبەری هەموو هەنگاوە پێویستەکان بۆ ئەوەی ئەم دواخستنە بە فەرمی بێت.
لاپۆرتا:
دەبێت بڵێم کە ئێمە تێگەیشتنێکی گەورەمان لە ئۆساسۆنا دۆزیەوە، لە ڕێگەی سەرۆکەکەی لویس و هەموو ئەندامانی دەستەی بەڕێوەبەری و ڕاهێنەری تیپەکەیەوە.
ئەوان هەر لە یەکەم ساتەوەختەوە لە دۆخەکە تێگەیشتن و ئامادەبوون لە هەر شتێک کە پێویست بوو هاوکاریمان بکەن.
تێگەیشتنێکی تەواویان نیشان دا، منیش دەمەوێت سوپاسیان بکەم بۆ ئەوە، چونکە بە شێوەیەکی ناوازە مامەڵەیان کرد و بەزەیییەکی زۆریان نیشان دا.
هەروەها تەواوی تیپی ناوبژیوانیش زۆر تێگەیشتوون. سەرەتا پەیوەندیمان بە ئۆساسۆنا کرد، دواتر ناوبژیوانەکانمان ئاگادار کردەوە، ئەوانیش تێگەیشتنی تەواویان لە دۆخەکە نیشان دا. بە ئاشکرا سوپاس و پێزانینی خۆم ئاراستەی سەرجەم بەرپرسانی یارییەکە دەکەم کە لەم کاتە سەختەدا لێک تێگەیشتن و پاڵپشتییان کرد.