سبەی سێشەممە لە یاری چوونی چارەگی کۆتایی چامپیۆنسلیگ ئارسنال میوانداری ریاڵ مەدرید دەکات و یاریەکە کاتژمێر 10:00ئەنجام دەدرێت.
ئارتێتا راهێنەری ئارسناڵ لەسەر یاریەکە قسەی کردوو ئەمە لێدوانەکانیەتی....
ئارتێتا: دوای نیوەڕۆ مەشق و ڕاهێنانمان هەیە و دەبینین یاریزانەکان چۆنە،جێگرەوەی گابریێلیشم داناوە.
ئارتێتا: "لە هەموو تۆپێکدا پێویستمان بە هاندەرانە... تەنها مەیەن بۆ سەیرکردن".
- ڕووبەڕووبوونەوەی ڕیاڵ مەدرید؟
ئارتێتا (ڕاهێنەری ئارسناڵ): دەزانم نوێنەرایەتی چ تیپێک دەکەم بەتایبەت ئەم تیپە، کاتێک ئەم جۆرە یارییانەمان هەیە ئەوە دەرفەتێکی زۆر باشە بۆ ئەوەی مێژوو تۆمار بکەین.
- متمانەت سبەی بە بردنەوە هەیە؟
ئارتێتا (ڕاهێنەری ئارسناڵ): متمانەم بە تیپەکە هەیە، قەناعەتم هەیە سەردەکەوین، دەبێت بەردەوام بین لە کارکردن و لە یارییەکەی شەممە چاک ببینەوە.
- یاری بەرامبەر ڕیال مەدرید لە یاریگای ئیمارات؟
ئارتێتا (ڕاهێنەری ئارسناڵ): "یارییەکانی بەم قەبارەیە ئەو یارییانەن کە دەمانەوێت بەشداری تێدا بکەین، زۆر شانازی دەکەین کە لێرەین، دەمەوێت ئەو یارییە بکەم کە دەمانەوێت ئەنجامی بدەین و بەو شێوەیەی کە دەمانەوێت ئەنجامی بدەین، پێویستمان بە تیپەکەمانە بۆ ئەوەی کەشێکی نایاب دروست بکات".
- ئایا تیپەکە قەناعەتی بە توانای خۆی هەیە بۆ بردنەوەی یاری سبەی؟
ئارتێتا (ڕاهێنەری ئارسناڵ): بەڵێ، ئەگەر منیش قەناعەتم پێکرا، ئەوانیش قەناعەتیان پێکراوە.
- ئەگەری پێکهاتەی سەرەکی بۆ ڕیاڵ مەدرید؟
ئارتێتا (ڕاهێنەرى ئارسناڵ): شتگەلێک هەن کە نازانین چی دەکەن و کێ یاری دەکات، دەبێت سەرنجمان لەسەر ئەو ئاراستەیە بێت کە دەمانەوێت یارییەکە ببەینەوە.
- مباپێ و ڤینیسیۆس و بێلینگهام؟
ئارتێتا (ڕاهێنەری ئارسناڵ): یاریزانانی ڕیاڵ مەدرید زۆر باشن، ئێمە دەزانین ئەو مەترسیانەی ڕووبەڕوومان دەبێتەوە و دەزانین لە مێژووی ئەم پاڵەوانێتییەدا چییان کردووە.