رۆژنامەی سپۆرت بڵاویکردۆتەوە، بەرشەلۆنە لە پێشبڕکێی کاتدایە بۆ فرۆشتنی هەشت یاریزانان پێش 30ی حوزەیران و ئەنسۆ فاتی یەکەم کەسە کە یانەکە بە خواستن بەرەو مۆناکۆ بە بژاردەی کڕینی 12 ملیۆن یۆرۆ جێدەهێڵێت.
یاریزانەکانی تر ئەمانە
کلیمنت لێنگلێت: بەرشەلۆنە دانوستان لەگەڵ ئەتلەتیکۆ مەدرید دەکات، پێدەچێت بە گواستنەوەی بێ بەرامبەر پێیبدات ئەگەر ڕازی بێت دەستبەرداری مووچەی دوو ساڵی ماوەکەی بێت.
پابلۆ تۆرێ و پاو ڤیکتۆر:
دوو کاندیدن بۆ فرۆشتن بە بژاردەی کڕینەوە
پاو ڤیکتۆر لەلایەن پێنج یانەی ئیسپانیا و دەرەوەی وڵاتەوە داواکراوە – نرخی پێشبینیکراوی فرۆشتنی 5 ملیۆن یۆرۆیە
پابلۆ تۆرێ سەرنجی یانەکانی بۆندسلیگا بەلای خۆیدا ڕادەکێشێت – نرخەکەی کەمترە بەهۆی کۆتایی هاتنی گرێبەستەکەی کە نزیکە.
ئۆریۆل ڕۆمیۆ: دوای کۆتاییهاتنی خواستنەکەی لەگەڵ جیرۆنا گرێبەستەکەی لەگەڵ یانەکە هەڵدەوەشێنێتەوە.
ئیناکی پێنا:
دوای ئەوەی بەرشەلۆنە گرێبەست لەگەڵ خوان گارسیا واژۆ دەکات،یانەکە جێدەهێڵێت.
بیتس و سێلتا و ڤالێنسیا ئارەزووی گواستنەوەی دەکەن.
پێدەچێت بەرشەلۆنە یاریزانانی یەدەگیش بفرۆشێت:
نوح دارویش: ئۆفەرەکانی شتوتگارت و بایر لیڤەرکوزن – باسی 4 ملیۆن یۆرۆ دەکەن لەگەڵ بژاردەی کڕینی دووبارە
ئیمامباک و ئالان گۆدۆی: ئارەزووی رۆشتن دەکەن، بەڵام تا ئێستا هیچ ئۆفەرێکی فەرمی نییە بۆیان.
مارک ئەندرێ تێر شتیگن: یانەکە ناچار نییە بیفرۆشێت، بەڵام ئەگەر بڕوات موچەیەکی زۆر بۆ یانەکە دەگەڕێتەوە.