سیلیا ئۆلیڤێرا کوچیتینی داپیرەی میسی ڕۆڵێکی سەرەکی بینی لە سەرەتای ژیانی وەرزشی میسیدا و دایک و باوکی ئەو یاریزانەی ڕازی کرد کە یەکەم پێڵاوی تۆپی پێی بۆ بکڕن و ڕاهێنەری یانە ناوخۆییەکەی ڕازی کرد کە دەرفەتێکی پێبدات لە تیپەکەدا.
تا ئەمڕۆش میسی بەردەوامە لە ڕێزلێنان لە داپیرە کۆچکردووەکەی بە هەر گۆڵێک کە تۆماری دەکات.
لیۆنێل مێسی دەڵێت: "ئەم (ئاهەنگگێڕانە) دەکەم، چونکە گۆڵەکەم تەرخان دەکەم بۆ داپیرەم، ئەو منی بردە ناو جیهانی تۆپی پێ، بەڵام نەیتوانی بزانێت ئاستم گەیشتۆتە کوێ".