ڕۆژنامەی سپۆرتی ئیسپانی ئاشکرایکردووە، هەڵوێستی جولیان ئەلڤارێز سەبارەت بە ئەگەری گواستنەوەی بۆ بەرشەلۆنە ڕوون و ئاشکرایە.
بریکارەکەی، فێرناندۆ هیدالگۆ، پێشتر ئاشکرایکردبوو کە یاریزانەکە لە منداڵییەوە سەرسامییەکی تایبەتی بۆ یانە کەتەلۆنییەکە هەبووە، ئەمەش کاریگەری لەسەر ژیانی وەرزشی لیۆنێل مێسی بووە، ئەمەش خواستی بارسا بۆ گواستنەوەی ئەو یاریزانە بەهێزتر دەکات.
هیدالگۆ ئاماژەی بەوەشکرد، داهاتووی هێرشبەرە ئەرجەنتینییەکە کراوەیە و جەختیشی لەوە کردەوە کە هەر گواستنەوەیەکی ئەگەری پێویستی بە دانوستان لە نێوان ئەتلەتیکۆ مەدرید و بەرشەلۆنە و خودی یاریزانەکە دەبێت.
ئەمەش ڕەنگدانەوەی ئامادەیی ئەلڤارێزە بۆ ئەوەی بیر لە هەنگاوێکی نوێ بکاتەوە لە ژیانی وەرزشیدا ئەگەر بارودۆخ ڕێگەی پێبدات.