یانەی وەرزشی سلێمانی ئامادەکارییەکانی بۆ وەرزی نوێی خولی پلە دوی عێراق دەستپێکرد و ڕاهێنەری نوێی دەستنیشانکرد.
بەڕێز سەرکەوت حەسەن سەرۆکی یانەی سلێمانی سەرپەرشتیاری گشتی تیمی تۆپی پێ دەبێت و لەیەکەمین هەنگاویشدا بڕیاردرا (سۆران سەلیم حەسەن) وەک ڕاهێنەری تیمەکە دەستبەکاربێت.
یانەی سلێمانی لە ئێستادا چەند یاریزانێکی ئامادەیەو لە چەند رۆژی داهاتودا و تاکۆتایی ئەم هەفتەیە گرێبەست لەگەڵ چەند یاریزانێکی نوێدا واژۆ دەکرێت.
خولی پلەدوی تۆپی پێی یانەکانی عێراق رۆژی 25ی مانگی داهاتو بەبەشداری 20 یانە دەستپێدەکات.
راگەیاندنی سلێمانی