بەگوێرەی ڕۆژنامەی مارکای ئیسپانی، لەماوەی دوو وەرزی ڕابردوودا دابەزینێکی ڕوون لە ئەنجامەکانی یانەی ڕیال مەدرید بەرامبەر یانە ئینگلیزییەکان ڕوویداوە، ئەوەش دوای ماوەیەک لە باڵادەستی یانەکە.
لە نێوان وەرزەکانی 2021-2022 و 2022-2023 یانەی ڕیال مەدرید سەروەری خۆی دووپاتکردەوە و 8 بردنەوە و 3 یەکسانبوون و 4 دۆڕانی بەرامبەر یانەکانی وەک چێڵسی و لیڤەرپوول و مانچستەر سیتی بەدەستهێنا.
بەڵام لە وەرزی 2023-2024ەوە هاوکێشەکە پێچەوانە بووەتەوە، یانەی شاهانە لە 7 یاریدا تەنها 2 بردنەوەی بەدەستهێناوە، لەکاتێکدا تووشی 5 دۆڕان بووە، ئەمەش گوزارشت لە لەدەستدانی باڵادەستی خۆی و زەحمەتی خۆگونجاندن لەگەڵ یارییە گەورەکان دەکات کاتێک ڕکابەرییەکان چڕتر دەبنەوە.