ڕۆژی شەممەی ڕابردوو لە یاری نێوان ڕیاڵ مەدرید و سێڤییا کە بە سەرکەوتنی شاهانەکان (2-0) کۆتایی هات، ڤینیسیۆس جۆنیۆر ڕووبەڕووی فیکەی ناڕەزایەتی بووەوە لەلایەن هاندەرانی سانتیاگۆ بێرنابیۆوە.
ڤینیسیۆس بە نائومێدی و سەری شۆڕەوە یاریگای جێهێشت، دواتریش وێنەی پرۆفایلی خۆی لە ئینستاگرام گۆڕی و وێنەیەکی بە درێسی هەڵبژاردەی بەڕازیل دانا لەبری درێسی ڕیاڵ مەدرید.
لە بەرامبەردا و لە ساڵی 2016، کریستیانۆ ڕۆناڵدۆ ڕووبەڕووی هەمان بارودۆخ بووەوە و لە گێمی یەکەمی یاری بەرامبەر سێڵتا ڤیگۆ گوێی لە فیکەی ناڕەزایەتی هاندەرانی ڕیاڵ بوو.
بەڵام وەڵامەکەی زۆر خێرا بوو؛ تەنها لە ماوەی 26 خولەکدا سۆپەر هاتریک (4 گۆڵ)ی تۆمارکرد.
دوای ئەو یارییە، ڕاهێنەری سێڵتا ڤیگۆ وتی: «تیپەکەی من باجی ئەو فیکە ناڕەزایەتییانەی دا کە ئاراستەی ڕۆناڵدۆ کران».