لەشاری سلێمانی و بەئامادەبوونی کاروان شێخ زیرەک سەرۆکی یەکێتی تۆپی پێی عێراق لقی سلێمانی و ئەندامانی یەکێتیەکە و د. نازم جەبار وانەبێژی ئاسیای و هەردە ڕەوف بارام ئەندامی لیژنەی ئۆڵۆمپی عێراق و د. دیار محەمەد سدیق لێپرسراوی نوێنەرایەتی سلێمانی لیژنەی ئۆڵۆمپی عێراق، بڕوانامەی ئاسیایی بەسەر ڕاهێنەراندا دابەشکرا.
سەرەتا کاروان شێخ زیرەک وتەیەکی پێشکەشکرد و سوپاسی ڕاهێنەرە بەشداربووەکانی کرد کە بەشدارییان لە خولی ڕاهێنەرایەتی ئاسیایی کردبوون، وتیشی بەدەستهێنانی بڕوانامەکان تەنیا وەرەقەیەک نیە، بەڵکو ئیشی ڕاهێنەر تازە دەستپێدەکات کە بەشێوەیەک زانستی بتوانن فێرخواز و یاریزانان پێ بگەیەنن.
ئەوەشی خستەڕوو" دەمانەوێت وەرزش بەگشتی و تۆپی پێی بەتایبەتی لە شاری سلێمانی بەرەوپێش ببەین، لەئێستاشەوە هەوڵەکانمان دەستپێکردووە لەگەڵ وڵاتانی ئەوروپا.
دواتر لە مەڕاسیمێکی تایبەتدا بڕوانامەکان بەسەر راهێنەرە سەرکەوتووەکان دابەشکرا.
دابەشکردنی بڕوانامەی بی ئاسیایی کە لەبەرواری (٣٠-٨-٢٠٢٥) تا (١٩-٩-٢٠٢٥) بەڕێوەچوو.
٢٤ راهێنەر بەشداربوون و سەرجەمیان سەرکەوتوو بوون.
دابەشکردنی بڕوانامەی سی ئاسیایی کە لەبەرواری (٢٧-٤-٢٠٢٥) تا (١١-٥-٢٠٢٥) بەڕێوەچوو.
٢٤ راهێنەر بەشداربوون، بەڵام دوو ڕاهێنەر سەرکەوتوو نەبوون.
دابەشکردنی بڕوانامەی خولی ڕاهێنەری گۆڵپارێزی
لە بەرواری (٦-٩-٢٠٢٥) تا (١١-٩-٢٠٢٥) بەڕێوەچوو بۆ بەدەستهێنانی بڕوانامەی سی (L1) کە دوو کەس بەشداربوون
لەبەرواری (١٣-٩-٢٠٢٥) تا (١٨-٩-٢٠٢٥) بۆ بەدەستهێنانی بڕوانامەی بی (L2) چوار کەس بەشداربوون.