چابی ئەلۆنسۆی ئیسپانی، دیارترین بەربژێرە بۆ وەرگرتنی ئەرکی ڕاهێنەرایەتی یانەی لیفەرپوول لە هاوینی داهاتوودا. ئەمەش دوای پاشەکشەی ئەنجامەکانی تیمەکە و فشاری هاندەران بۆ گۆڕانکاری لە ستافی تەکنیکیدا.
بەپێی ڕاپۆرتە ڕۆژنامەوانییەکان، کارگێڕی ليفەرپوول پەیوەندییەکی پێشکەوتوویان لەگەڵ ئەلۆنسۆ دەستپێکردووە، کە یەکێکە لە ئەفسانەکانی یانەکە و ئەندامێکی سەرەکی "موعجیزەی ئەستەمبوڵ" بووە لە ساڵی 2005.
ڕاپۆرتەکان ئاماژە بەوە دەکەن کە ئەلۆنسۆ ئامادەیە ئەرکەکە بگرێتە ئەستۆ، بەڵام بە چەند مەرجێکی پێشوەختە، لەوانە:
کۆنترۆڵی تەواو: دەسەڵاتی تەواوی هەبێت بەسەر پلانی تیمەکەدا.
بەهێزکردنی هێڵی ناوەند: گواستنەوەی چەند یاریزانێکی دیاریکراو بۆ تیپەکە.
ئەردا گولەر: مەرجی سەرەکی ئەلۆنسۆ گواستنەوەی ئەستێرە تورکەکەی ڕیال مەدرید، ئەردا گولەرە، کە وەرزی ڕابردوو لەژێر سەرپەرشتی ئەودا ئاستێکی بەرزی پێشکەش کردبوو.