راپۆرتە ڕۆژنامەوانییەکانی ئیتاڵیا ئاشکرایان کردووە کە یانەی یوڤێنتوس هەنگاوێکی گەورەی ناوە بۆ گواستنەوەی هێرشبەری پۆڵەندی، ڕۆبێرت لیڤاندۆڤسکی بۆ ڕیزەکانی لە مێرکاتۆی داهاتوودا.
بەپێی هەواڵێکی ڕۆژنامەی **(Tuttosport)**ی ئیتاڵی، لیڤاندۆڤسکی ڕەزامەندی نیشانداوە بۆ پۆشینی درێسی خانمی پیر، دوای ئەوەی هەردوولا لەسەر مەرجە تایبەتییەکان گەیشتوونەتە ڕێککەوتن.
مووچەی ساڵانە: 6 ملیۆن یۆرۆی سافی.
پاداشتەکان: بڕە پارەیەکی زیادە (Add-ons) وەک پاداشتی کارکردن و گۆڵ تۆمارکردن بۆ گرێبەستەکە زیاد دەکرێت.
سەرەڕای ئەم هەواڵانە، سەرچاوە نزیکەکان لە یاریزانەکە ڕایانگەیاندووە کە گواستنەوەکە هێشتا بە فەرمی کۆتایی نەهاتووە. ئاماژەیان بەوە کردووە کە لیڤاندۆڤسکی تاوەکو ئێستا بڕیاری کۆتایی نەداوە و چاوەڕێی هەڵسەنگاندنی هەموو لایەنەکانی پڕۆژە وەرزشییەکەی یوڤێنتوس دەکات پێش ئەوەی واژۆ لەسەر گرێبەستە فەرمییەکە بکات.