بەپێی ئەو هەواڵانەی بڵاوکراونەتەوە، جەماوەرێکی زۆری ڕیال مەدرید پێیان وایە یاریزانانی یانەکە ڤینیسیۆس جۆنیۆریان وەک "سەرکردەی ڕاستەقینە" هەڵبژاردووە لەبری کیلیان ئێمباپێ وئەمەش هۆکارەکەیە:
نارەزایەتی بەرامبەر ئێمباپێ: چەندین ڕاپۆرت باس لەوە دەکەن کە یاریزانەکان تووشی سەرسوڕمان و ناڕەحەتی بوون بەهۆی چوونی ئێمباپێ بۆ پشوو لە کاتێکی هەستیاری وەرزەکەدا.
ئەنجامەکان بەبێ ئێمباپێ: کاتێک ئێمباپێ تووشی پێکان هات، ڕیال مەدرید 5 یاری لەسەریەکی بردەوە و باشترین ئاستی خۆیان لەژێر سەرپەرشتی ئاربێلۆا پێشکەش کرد.
دابەزینی ئاست دوای گەڕانەوەی: دوای گەڕانەوەی ئێمباپێ لە پێکان، یانەکە لە کۆی 6 یاری تەنها 1 سەرکەوتنی بەدەستهێناوە و ئاستی بەکۆمەڵی تیمەکە بە شێوەیەکی بەرچاو دابەزیوە.
درەوشانەوەی ڤینیسیۆس: دوای پێکانەوەی دووبارەی ئێمباپێ، مەدرید توانی 2-0 لە ئیسپانیۆل بباتەوە، کە تێیدا ڤینیسیۆس جۆنیۆر هەردوو گۆڵەکەی تۆمارکرد و ئاستێکی بەرزی نیشاندا.
پەیامی یاریزانەکان: دوای ئاستە بەرزەکەی ڤینیسیۆس و لە کاتێکدا ئێمباپێ هێشتا لە پشوودایە، چەندین یاریزانی مەدرید وێنەی خۆیان لەگەڵ ڤینیسیۆس لە ئینستاگرام بڵاوکردەوە.
بۆچوونی هاندەران: زۆرێک لە هاندەران پێیان وایە ئەمە ڕێکەوت نییە، بەڵکو پەیامێکی ڕوونی یاریزانەکانە بۆ پشتگیریکردنی ڤینیسیۆس وەک سەرکردەی یانەکە نەک ئێمباپێ.