فیدراسیۆنی نێودەوڵەتی تۆپی پێ (FIFA) لە پشت پەردەوە تاوتوێی گۆڕانکارییەکی گەورە و بێپێشینە لە یاساکانی تۆپی پێدا دەکات، کە ئەویش ڕاگرتنی کاتژمێری یارییەکەیە لە کاتی وەستانی یاریدا.
ئەم پێشنیارە بە شێوەیەکی زۆر جدی لە ناوخۆی فیفادا کارنامەی لەسەر دەکرێت لەبەر ئەوەی فیفا خاوەنی 4 دەنگە لە کۆی 8 دەنگی ئەنجومەنی یاسادانانی تۆپی پێ (IFAB)، هێزێکی تەواوی هەیە بۆ ئەوەی بڕیارەکە بەرەو جێبەجێکردن ببات.
ئامانجی سەرەکی لەم هەنگاوە، کۆتاییهێنانە بە دیاردەی کات بەفیڕۆدان لەلایەن یاریزانانەوە لە کاتی پێکان، گۆڕانکاری، یان ئاهەنگێڕانی گۆڵ، بە شێوەیەک کە هاوشێوەی یاری باسکە هەر کاتێک یاری وەستا کاتژمێریش دەوەستێت.
چاوەڕوان دەکرێت لە ئەگەری پەسەندکردنی، ئەم یاسا نوێیە لە ساڵی 2028 بە فەرمی لە 5 خولە گەورەکەی ئەوروپا جێبەجێ بکرێت.