مهدی تاج، سەرۆکی یەکێتی تۆپی پێی ئێران ڕایگەیاند کە کەمپی مەشق و ڕاهێنانی هەڵبژاردەی ئێران بۆ مۆندیال، دوای وەرگرتنی ڕەزامەندی فیفا لە ویلایەتە یەکگرتووەکانی ئەمریکاوە بۆ مەکسیک گواستراوەتەوە.
بڕیار بوو هەڵبژاردەی ئێران کەمپەکەی لە شاری توسان لە ویلایەتی ئەریزۆنا بکاتەوە، بەڵام بەهۆی نادیاری دۆخەکە و نیگەرانییە ئەمنییەکان لەبارەی جەنگی ڕۆژهەڵاتی ناوەڕاست، گۆڕینی شوێنەکە خرایە بەرنامەی کارەوە.
کەمپی نوێ لە شاری تیخوانای مەکسیک دەبێت، کە ڕاستەوخۆ دەکەوێتە باشووری سان دیێگۆ.
مهدی تاج لە لێدوانێکی ڕۆژنامەوانیدا وتی: هەموو کەمپی هەڵبژاردە بەشداربووەکانی مۆندیال دەبێت ڕەزامەندی فیفایان هەبێت. خۆشبەختانە دوای ئەو داواکارییانەی پێشکەشمان کرد و ئەو کۆبوونەوانەی لە ئەستەمبوڵ لەگەڵ بەرپرسانی فیفا و مۆندیال ئەنجاممان دا، لەگەڵ ئەو کۆبوونەوە ئۆنلاینەی دوێنێ لە تاران لەگەڵ ئەمینداری گشتیی فیفا ئەنجاممان دا، ڕەزامەندی لەسەر داواکارییەکەمان بۆ گۆڕینی شوێنی مانەوەی هەڵبژاردەکە لە ئەمریکاوە بۆ مەکسیک درا.
ئێران لە کۆمەڵەی 7 دژی نیوزیلانداو بەلجیکاو میسر یاری بکات.