فیفا بە فەرمی ڕایگەیاند، یاسای نوێی تایبەت بە پێکانەکان کاریگەرییەکی باشی لەسەر بەڕێوەچوونی یارییەکانی جامی جیهانی 2026 هەبووە.
هەر یاریزانێکی مەیدانی ئەگەر لەناو یاریگا تووشی پێکان ببێت و پێویستی بە هاتنی تیمی پزیشکی بێت، ئەوا بەپێی یاساکە دەبێت یاریگا جێبهێڵێت. یاریزانەکە ناتوانێت دەستبەجێ بگەڕێتەوە، بەڵکو دەبێت لانیکەم 1 خولەک لە دەرەوەی هێڵی یاریگا بمێنێتەوە و دوای تێپەڕبوونی ئەو کاتە و بە ڕەزامەندی ناوبژیوان، ڕێگەی پێ دەدرێت بگەڕێتەوە ناو یاریگا.
بەمەش یاریزانان کاتێکی زۆر کەمتر لەسەر زەوی بەفیڕۆ دەدەن و دوای لێدانیان خێراتر هەڵدەستنەوە.
بەهۆی کەمبوونەوەی وەستانەکان، کاتی یارییکردنی ڕاستەقینە لەناو یاریگادا زیاتر بووە و یارییەکان بە شێوازێکی خێراتر و بەچێژتر بەڕێوەدەچن.
فیفا پێیوایە ئەم هەنگاوە سەرکەوتوو بووە و توانیویەتی ڕێگری لە بەفیڕۆدانی کات و وەستانە ناپێویستەکان بکات.