کیلیان ئێمباپێ، ئەستێرەی هەڵبژاردەی فەرەنسا، لە لێدوانێکدا بۆ میدیاکان بەر لە یارییە چارەنووسسازەکەیان بەرامبەر عێراق لە مۆندیالی 2026، جەختی لەسەر گرنگیی ئەم یارییە کردەوە و ئامانجی ڕوونی تیپەکەی بۆ قۆناغی داهاتوو ئاشکرا کرد.
گرنگیی سێ خاڵەکەی عێراق
ئێمباپێ سەبارەت بەم ڕووبەڕووبوونەوەیە وتی: "پێویستە لە عێراق ببەینەوە. پێموایە ئەگەر لەم یارییەدا سەربکەوین، بە فەرمی دەگەینە قۆناغی داهاتوو. ئێمە تەنها بۆ سەرکەوتن ناچینە یاریگا، بەڵکو دەمانەوێت وەک پێشەنگی کۆمەڵەکە قۆناغەکە تێپەڕێنین."
ئاستی بەرز و ئامانجە کەسییەکان
سەبارەت بە ئاستی خۆی لە مۆندیالەکەدا، کە لە یەکەم یاریدا 2 گۆڵی تۆمار کردووە، ئەستێرەکەی پێشووی پاریس سانجێرمان گوتی: "تۆمارکردنی 2 گۆڵ لە یەکەم یاریمدا بەس نییە بۆ نیشاندانی قەبارەی بەهرەکەم لەسەر ئاستێکی گەورەتر. بەردەوام دەبم لە تۆمارکردنی گۆڵ بۆ یارمەتیدانی تیمەکەم تا بتوانین بگەینە دوورترین قۆناغی مومکین. بە دڵنیاییەوە بەم گۆڵانە، زیاتر نزیک دەبمەوە لە شکاندنی ژمارە پێوانەیییەکەی زۆرترین گۆڵی مۆندیال."
مێسی وەک نموونە
ئێمباپێ لە وەڵامی پرسیارێکدا سەبارەت بە گۆڵکردنی لیۆنێل مێسی، بە ڕێزەوە وتی: "دەمزانی لیۆ مێسی گۆڵ تۆمار دەکات. ئەو مێسییە، هەمیشە گۆڵ تۆمار دەکات."
کۆڵنەدان لە کێبڕکێکان
لە کۆتایی لێدوانەکەیدا، ئێمباپێ وەڵامی ئەو دەنگۆیانەی دایەوە کە باسی ڕکابەری هالاند و هەڵبژاردەی نەرویج دەکەن و وتی: "بیر لە هالاند و هاوڕێکانی ناکەمەوە. ڕەنگە ئەوان بیر لە ئێمە بکەنەوە، بەڵام من تەنها بیر لە یاریی عێراق دەکەمەوە."