بەپێی ئەو زانیارییانەی لە سەرچاوە میدیاییەکانەوە بڵاوکراونەتەوە، گەشتی هەڵبژاردەی تۆپی پێی ئێران بۆ شاری سیاتڵ لە ئەمریکا تووشی دواکەوتن بووە.
هۆکاری دواکەوتنەکە دەگەڕێتەوە بۆ ئەوەی دەسەڵاتدارانی فڕۆکەخانەی ئەمریکا ڕێگرییان لە مەهدی تارمی کاپتنی هەڵبژاردەکە و سەعید ئەلهوێی یاریدەدەری ڕاهێنەر کردووە و ڕایانگرتوون.
لە ئێستادا سەرجەم ئەندامانی تیمی هەڵبژاردەی ئێران لە چاوەڕوانیدان تا چارەنووسی ئەو دوو کەسە یەکلایی دەبێتەوە و بتوانن بەرەو شوێنی یارییەکەیان دژی میسڕ بەڕێبکەون.
تا ساتەوەختی ئەم هەواڵە، هۆکاری ڕاگرتنی کاپتنی هەڵبژاردەکە و یاریدەدەری ڕاهێنەر بە فەرمی لەلایەن لایەنە پەیوەندیدارەکانەوە ئاشکرا نەکراوە.
#سەیروسەمەرەی_مۆندیالی2026