لە شەوێکی مێژووییدا بۆ تۆپی پێی نەرویج، ئێرلینگ هالاند توانی بە دوو گۆڵی خۆی لە خولەکەکانی کۆتایی، بەرازیلی خاوەن مێژوو لە مۆندیالی 2026 دەربکات و بلیتێکی چارەگی کۆتایی بۆ وڵاتەکەی دەستەبەر بکات.
یارییەکە بە گوشاری بەرازیلییەکان دەستی پێکرد، تەنانەت لە خولەکی 14ـی گێمی یەکەمدا، برونو گیمارایش نزیک بوو لە پێشخستنی سێلێسایۆ، بەڵام نەیتوانی لێدانێکی سزای یەکلاکەرەوە بکاتە گۆڵ و تۆپەکەی لە دەستدا. ئەو هەلە بەفیڕۆچووە بوو بە خاڵی وەرچەرخان لە یارییەکەدا و متمانەی بە یاریزانانی نەرویج بەخشی.
هالاند.. چیرۆکەکەی لە خولەکی 79 دەستی پێکرد
دوای ئەوەی بەرگری نەرویج بە توندی بەرانبەر هێرشەکانی بەرازیل وەستانەوە، ئێرلینگ هالاند بە ئاستێکی بەرزەوە دەرکەوت:
خولەکی 79: یەکەم گۆڵی نەرویجی تۆمار کرد و بێدەنگیی بە یاریگەکەدا کرد.
خولەکی 90: لە ساتەکانی کۆتایی و لە کاتێکدا بەرازیل هەموو هێزی خۆی بۆ یەکسانکردنەوە خستبووە گەڕ، هالاند گۆڵی دووەمی بەدەستهێنا و کۆتایی بە خەونی بەرازیل هێنا.
هەرچەندە نەیمار لەخولەکی90+10گۆڵێکی بە لێدانی سزا کرد،بەڵام بێ سوود بوو،لەکۆتایدا یاریەکە2-1بۆ،نەرویج تەواو بوو.
ئێرلینگ هالاند بەو دوو گۆڵە، ژمارەی گۆڵەکانی لە پاڵەوانێتییەکەدا گەیاندە 7 گۆڵ لە تەنها 4 یارییدا، ئەمەش بەڵگەیە لەسەر ئەو ئاستە بەرزەی کە پێشکەشی دەکات.
نەرویج ئێستا بە چاوێکی چاوەڕوانییەوە دەڕوانێتە یاری نێوان ئینگلتەرا و مەکسیک، چونکە براوەی ئەو یارییە دەبێتە ڕکابەری داهاتووی هالاند و هاوڕێکانی لە قۆناغی چارەگی کۆتایی مۆندیالی 2026.