لە درێژەی رکابەرییەکانی قۆناغی چارەگی کۆتایی مۆندیالی 2026، هەڵبژاردەی ئینگلتەرا سەرکەوتنێکی گرنگی بەسەر نەرویجدا بەدەستهێنا و گەیشتە قۆناغی پێش کۆتایی. یارییەکە کە 120 خولەکی خایاند، بە رکابەرییەکی بەهێزەوە بەرێوەچوو.
سەرەڕای ئەوەی هەڵبژاردەی نەرویج لە خولەکی 36 لە رێگەی "شێڵدەرۆپ"ەوە گۆڵی یەکەمی تۆمارکرد و پێشکەوت، بەڵام شێرەکانی ئینگلتەرا کۆڵینەدانیان سەلماند. جود بێلینگهام رۆڵی یەکلاکەرەوەی بینی و توانی لە خولەکی 45+2 گۆڵی یەکسانبوون تۆمار بکاتەوە. لە کاتە زیادکراوەکانیشدا، هەمان یاریزان لە خولەکی 93 گۆڵی دووەم و بردنەوەی بۆ هەڵبژاردەکەی تۆمار کرد.
بەو ئەنجامە، نەرویج ماڵئاوایی لە پاڵەوانێتییەکە کرد، ئینگلتەراش بووە سێیەم تیپ بگاتە قۆناغی پێش کۆتایی و ئێستا بە تامەزرۆییەوە چاوەڕێی براوەی یاری نێوان سویسرا و ئەرجەنتین دەکات تا رووبەڕووی ببێتەوە.