دوای ئەوەی هەڵبژاردەی فەرەنسا لە قۆناغی پێش کۆتایی مۆندیالدا بەرامبەر ئیسپانیا شکستی هێنا و ماڵئاوایی کرد، کیلیان ئێمباپێی ئەستێرەی هەڵبژاردەکە بە ڕاشکاوی دانی بە ئاستە نزمەکەیان نا.
ئێمباپێ لە لێدوانێکدا بۆ میدیاکان وتی: "کاتێک لە قۆناغی پێش کۆتایی مۆندیالدا ئەو کارانە ئەنجام نادەیت کە پێویستە بیکەیت، ئەوا ناتوانیت سەربکەویت. ئیسپانیا بەردەوام بوون لەسەر پلانەکەیان و شایستەی سەرکەوتن بوون، ئەگەر ڕاستگۆ بین، ئێمە ئەو توانایەمان نەبوو کە پێویست بوو بۆ گەیشتن بە یاری کۆتایی."
سەبارەت بە هۆکارەکانی شکستەکە، کاپتنەکەی فەرەنسا ئاماژەی بەوە کرد کە تیپەکەیان نەیتوانیوە بەو شێوازە یاری بکات کە پلانی بۆ دانرابوو. وتیشی: "ئێمە ئەو یارییەی کە ئامادەکاریمان بۆ کردبوو، نەکرد. لە یارییەکەدا هەڵەی هونەری زۆر هەبوون، بەگشتی ئاستی یارییەکە لە ئاستی قۆناغی پێش کۆتایی مۆندیال نەبوو."
لە کۆتایی قسەکانیدا، ئێمباپێ بە داخەوە وتی: "خەونی سەرەکی ئێمە گەیشتن بوو بە یاری کۆتایی، بەڵام بەداخەوە نەمانتوانی ئەو ئامانجە بەدی بهێنین."