سلاڤکۆ ڤینچیچ، ناوبژیوانی یاری کۆتایی جامی جیهانی 2026، هەست بە شانازییەکی بێوێنە دەکات بۆ بەڕێوەبردنی ئەم یارییە.
ڤینچیچ دەڵێت: "سەرەتا تووشی شۆک بووم، پاشان زۆر دڵخۆش بووم. دەستەکانم دەلەرزین، ئەمە شانازییەکی گەورەیە بۆ من."
ناوبژیوانە تەمەن 46 ساڵییەکە، کە یەکەم ناوبژیوانە لە مێژووی سلۆڤینیا ئەم یارییە گەورەیە بەڕێوەدەبات، ئاماژەی بەوە کردووە کە بەڕێوەبردنی گەورەترین ڕووداوی وەرزشی لە جیهاندا خەونی هەر ناوبژیوانێکە.
شایەنی باسە، ڤینچیچ لە جامی جیهانی 2022 یاری نێوان ئەرجەنتین و سعودیەی بەڕێوەبرد، کە تیایدا سعودیە بە ئەنجامی 2 گۆڵ بەرامبەر 1 گۆڵ سەرکەوتنی بەدەستهێنا. یاری کۆتایی نێوان ئیسپانیا و ئەرجەنتین لە کاتژمێر 10ی شەوی یەکشەممە 19ی تەمموز لە یاریگای مێتلایف لە نیوجرسی بەڕێوەدەچێت.