تۆماس توخێل، ڕاهێنەری هەڵبژاردەی ئینگلتەرا، دوای دۆڕانی تیپەکەی بەرامبەر ئەرجەنتین لە قۆناغی پێش کۆتایی مۆندیالی 2026، ڕایگەیاند کە هیچ پەشیمانییەکی لە بڕیارەکانی نییە.
لە کۆنگرەیەکی ڕۆژنامەوانیدا کە پێش یاریی دیاریکردنی پلەی سێیەم بەرامبەر فەرەنسا ئەنجامدا، توخێل بەرگری لە بڕیارە تاکتیکییەکانی خۆی کردەوە.
تۆخێل رەتیکردەوە بچێتە ناو کێشەی "خۆ بە کەمزانین یان تۆمەتبارکردن" و جەختی لەوە کردەوە کە متمانەی بە هەست و بڕیارەکانی خۆی هەیە.
ئاماژەی بەوە کرد کە هێشتا جیاوازییەک هەیە لە نێوان ئینگلتەرا و ئەو هەڵبژاردانەی کە بە ئاستی باڵا دادەنرێن.
باسی لەوە کرد کە هەڵبژاردەکانی وەک فەرەنسا، ئیسپانیا و ئەرجەنتین چاوەڕوانی ئەوەیان لێدەکرێت کە نازناوەکە بەدەستبهێنن، بەڵام ئینگلتەرا هێشتا نەگەیشتووەتە ئەو ئاستە.
ڕەخنەکانی دۆناڵد ترەمپی لەسەر ڕۆڵی هاری کەینی ڕەتکردەوە و جەختی لەسەر یەکڕیزیی تیپەکەی کردەوە.