تیپی تۆپی سەرمێزی یانەی وەرزشی سلێمانی لەقۆناغی کۆتایی خولی تۆپی سەرمێزی یانەکانی عێراقدا دووەمین سەرکەوتنی تۆمارکرد ، تیپی تۆپی سەرمێزی یانەکانی دهۆک و پێشمەرگەی سلێمانیش دووچاری 2 شکست هاتن.
تیپی تۆپی سەرمێزی یانەی سلێمانی لەدوەەمین یاریی خۆی لەخولی نایابی تۆپی سەرمێزی یانەکانی عێراق روبەروی یانەی غازی باشور بوەوە.
کوڕانی یانەی سلێمانی (سەیفەدین و حسێن و عومەر و کۆچەر) هاوشێوەی یەکەمین یارییان ئەو یاریەشیان بەسودی خۆیان کۆتایی پێهێنا و (3-1) شکستیان کرد بەبەری یانەی غازی باشورداو زەنگی مەترسییان بۆ رکابەرەکانیان لێدا.
هاوکات یانەی نەوتی ناوەراستی پاڵەوانی وەرزی رابردووی خولەکە کە هەریەکە لە (هەردی و بەختیار و کاروان) یاریی بۆ دەکەن بەهەمان شێوەی سلێمانی دووەمین سەرکەوتنیان نوسیەوەو (3-0) لەیانەی سناعەیان بردەوە .
یانەی پێشمەرگەی سلێمانی دووەمین تاقیکردنەوەشی بەشکست کۆتایی پێهێنا و (1-3) بەرامبەر یانەی جەیش شکستی هێنا .
یانەی دهۆکیش بەهەمان شێوە دوچاری شکست هاتوو (1-3) بەرامبەر یانەی تاڕمیە چۆکی دادا.
ئەنجامی یاریەکانی رۆژی یەکەم بەم جۆر بوو :
کوڕان : 1
سلێمانی 3-1 سناعە
نەوتی ناوەراست 3-0 تاڕمیە
جەیش 3-0 دهۆک
پێشمەرگەی سلێمانی 2-3 غازی باشور
کوڕان : 2
سلێمانی 3-1 غازی باشور
جەیش 3-1 پێشمەرگەی سلێمانی
نەوتی ناوەراست 3-0 سناعە
تاڕمیە 3-1 دهۆک .
بێوەی ئەحمەد