دوو ژنە رۆژنامەنوسی بەرازیلی رایدگەیەنن لەمیانەی یارییەكانی پاڵەوانێتی ئەوروپا (یورۆ 2016) لەلایەن هاندەرانی ئینگلیزییەوە لەشاری پاریسی فەرەنسا دەستدرێژی سێكسییان كراوەتەسەر.

ئەو دوو رۆژنامەنووسە كە ناویان "بیبیانا بۆلسۆن  و ئیزابێلا باگلیاری"یە و لە راپۆرتی رۆژنامەی ئیسپۆرتا ئینتەرڤیۆ"ی بەرازیلی ئاشكرایان كرد، كە لە شوێنی تایبەتی هاندەران لە نزیك بورجی ئیڤلی شاری پاریس هێرش و دەستدرێژی سێكسیان كراوەتە سەر لەلایەن هاندەرە توندڕەوەكانی هەڵبژاردەی ئینگلیز.

بۆلسۆن دەڵێ، هەستمان بە ئیدانەكردنێكی زۆر و شەرمەزاری كرد، چونكە پیاوانی پۆلیسیشی شارەكەش لە جیاتی بەهانای خەڵكەوە بێنە بەشدار دەبن لەو كارە قێزەوانانە.