ئەمڕۆ کۆشکی سپی لە ڕاگەیەندراوێکدا کاتی یەکەم سەردانى جۆبایدنی بۆ دەرەوەى ئەمەریکا ئاشکراکرد و ڕایدەگەیەنێت" سەرۆکی ئەمریکا لە مانگی داهاتوودا سەردانی بەریتانیا دەکات".
کۆشکى سپی لە ڕاگەیەندراوێکدا ئاماژەی بەوەکردووە" لە ڕۆژی ١١ بۆ ١٣ی حوزەیرانی داهاتوو جۆبایدن یەکەمین گەشتی دەرەوەی وڵات بۆ بەریتانیا و بەلجیکا وەک سەرۆکی ئەمەریکا ئەنجامدەدات".
ئاماژەی بەوەشکردووە" ئامانجی سەردانەکەی پابەندبوونی ئەمەریکا بە گێڕانەوەی هاوپەیمانێتییەکان و دووبارە چالاککردنەوەی پەیوەندییەکان و کارکردن لەگەڵ هاوپەیمانەکانیان نیشان بدات".
جۆبایدن لە رۆژی ٣ی تشرینی دووەمی ساڵی ٢٠٢٠ وەك كاندیدی حیزبی دیموكراتەكانی ئەمەریكا لەگەڵ دۆناڵد ترەمپ، سەرۆكی ئەمەریكا و كاندیدی حیزبی كۆمارییەكان بەشداری هەڵبژاردنی كرد و سەرەنجام توانی لە ترەمپ بباتەوە، هاوکات ڕۆژی ٢٠ی كانوونی دووەمی ٢٠٢١ وەك ٤٦هەمین سەرۆكی ئەمەریكا دەستبەكار دەبێت.