دوێنێ ٣ ی ئایار لە رۆژی ئازادی رۆژنامەگەری جیهانیدا، ئاسایشی راپەڕین رۆژنامەنووس، کاروخ عوسمان دەستگیر دەکەن.
هیوا سەید سەلیم رۆنامەنووسی ناسراوی باشووری کوردستان لە پۆستێکدا نووسیوویەتی " هێزێکی یەکێتی رۆژنامەنووس کارۆخ عوسمان دەڕفێنێت".
دوای بەدواداچوونی ماڵپەڕی " سپی " ئاشکرا بوو کە کاروخ عومەر لەلایەن ئاسایشی راپەڕینەوە دەستگیرکراوەو ئێستا لە ئاسایشی گشتی ئەو دەڤەرە زیندانە.
ئەو رۆژنامەنووسە پێشتریش هێزە ئەمنییەکانی ناوچەی قەسرێ هەوڵێ دەستگیرکردنیان داوە.
کارۆخ عوسمان، مامۆستایە و بڕوانامەی ماستەری هەیە، هەروەها ڕۆژنامەنووس و ناوێکی دیاری ناوجەی باڵەکایەتییە.
دەستگیرکردنی ئەو رۆژنامەنووسە لە کاتێکدایە کە بەپێی یاسای ٣٥ ی ساڵی ٢٠٠٧ رۆژنامەگەری کوردستان رۆژنامەنووس نابێت دەستگیربکرێت، بەپێی یاساکە مامەڵەی رۆژنامەنووس تەنها لەگەڵ دادگاکان و پۆلیسدایە، نەک ئاسایش.